etnoga, empresa de servizos, ten como obxectivo a xestión integral do patrimonio. Os traballos que acomete, vincúlanse con accións de desenvolvemento cultural, educativo, social e turístico.
As nosas actividades vincúlanse coa xestión integral do patrimonio cultural. Buscamos o seu coñecemento, a súa protección e conservación e, sobre todo, que este patrimonio chegue á poboación. A planificación dos proxectos elabórase de modo específico, tendo en conta as necesidades e intereses de cada caso.
Realizamos rexistros de bens patrimoniais para ter constancia do que existe, redactando estudos históricos e proxectos de intervención.
As diversas investigacións que acometemos, poden ser consideradas como a fase inicial de futuros proxectos de intervención ou divulgación. Ademais, elaboramos enquisas e estatísticas sobre público.
Realizamos actividades lúdicas, dinámicas e participativas, fomentando a educación no seu uso e goce, para concienciar á poboación sobre o valor e a conservación do patrimonio.
Organizamos eventos formativos e educativos para todas as idades, ofertando actividades de tempo libre co fío condutor do patrimonio cultural.
Atendemos ás consultas do público, informando en relación á lei de patrimonio e tramitando subvencións.